«Ես ինձ համարում եմ ամենաշատ զրպարտված գործիչներից մեկը, վիրավորված էլ: Եկել եմ զրպարտված եւ վիրավորված այս ամբիոնի մոտ: Ես 8 տարի է՝ պատգամավոր եմ ընտրվել, այնքան, ինչքան ինձ են զրպարտել, այդ թվում` իմ պատգամավոր գործընկերները, երեւի թե ոչ մեկին չեն զրպարտել»,- ԱԺ-ում իր ելույթում ասաց «Լուսավոր Հայաստան» խմբակցության ղեկավար Էդմոն Մարուքյանը:
Հիշեցնենք, որ ԱԺ-ում Ալեն Սիմոնյանի նախագիծն է քննարկվում, որով առաջարկվում է վիրավորանքի եւ զրպարտության համար փոխհատուցման չափերը մեծացնել՝ վիրավորանքի համար սահմանելով 5 մլն դրամ, զրպարտության համար՝ 10 մլն:
Մարուքյանը մտավախություն ունի, որ այս նախագծով թերթերին, ԶԼՄ-ներին դատի են տալու, իսկ «ֆեյքերի ֆաբրիկաները» շարունակելու են աշխատել. «Ինձ թվում է՝ ավելի հեշտ է ջենթլմենական պայմանավորվածությամբ դադարեցնել դա: Ասենք, գործող իշխանությունը խոստանա, որ իր ֆեյքերի ֆաբրիկաներն անջատում է, նախկին իշխանություններն էլ խոստանան, որ իրենցն են անջատելու: Ես էլ կարող եմ միջնորդ հանդիսանամ, հրավիրեմ մի տեղ, իրար հետ բարիշեք»:
Կարդացեք նաև
Ամփոփիչ ելույթում Ալեն Սիմոնյանն առաջարկեց քննարկել ու նախագիծն ավելի լավը դարձնել:
Հռիփսիմե ՋԵԲԵՋՅԱՆ
