Մխիթար Գոշի, Սմբատ սպարապետի դատաստանագրքերն օրինական նմուշ են եղել հետագայում քաղաքակիրթ աշխարհի օրենսդրության համար, մասնավորապես իրավամբ սոցիալական պետություն համարվող երկրներում։
Հայաստանը թեպետ հիմնական օրենքի՝ Սահմանադրության ուժով համարվում է սոցիալական պետություն, սակայն երկրի քաղաքացին ապրել ու ապրում է բոլորովին այլ իրականության մեջ:
Ինչո՞ւ Հայաստանում այդ մեխանիզմը չի գործում կամ վատ է գործում։ Դրա պատասխանը տրված է Աստվածաշնչով, Մովսեսի օրենքով։
Երբ երկրի ղեկավարին տրվում է բացարձակ իշխանություն, վերջինս դառնում է կամ բռնակալ, կամ ծաղրածու, որովհետև չկա վերջինիս վերահսկող, պատժող գործիքը։ Ցավոք, Հայաստանում գրվեց մի սահմանադրություն, որով երկրի ղեկավարին տրվեց բացառիկ իշխանություն, որի հետևանքները կրում ենք այսօր։
Կարդացեք նաև
Ցավոք, հեղափոխությունից թե իշխանափոխությունից հետո, եթե երկրի ղեկավարը լիներ իր խոստումի տերը և փոխեր սահմանադրությունը, որը չէր կարվի մեկ անձի հագով, իրավամբ, կլիներ այլ իրավիճակ։
Պետք չէ ստեղծել հերոսներ, հետո նզովել, անիծել։ Անհրաժեշտ է ստեղծել այնպիսի Սահմանադրություն, որը բացառի բռնակալի կամ ծաղրածուի գոյություն:
«ԼԵՎ ԳՐՈւՊ» փաստաբանական գրասենյակի գլխավոր տնօրեն
Լևոն ԲԱՂԴԱՍԱՐՅԱՆ
