«Աստղիկ» բարեգործական հիմնադրամը Լոռու մարզում ապաստանած արցախցիների համար հերթական ծրագիրն է իրականացնում: Ընտանիքներին, որոնք որոշել են վերջնականապես հաստատվել Լոռիում, հնարավորություն է տրվել զբաղվել ոչխարաբուծությամբ, հետագայում նաև՝ զարգացնել տնտեսությունը :
Հիմնադրամը 110 ընտանիքի տրամադրում է 5 ոչխար, նաև՝ մինչև 100 տուկ խոտ՝ կախված տարածաշրջանի կլիմայական պայմաններից: Ընտանիքներին ընտրում են համայնքների հետ միասին։ Ծրագրի հաջող ընթացքն ապահովելու հարցում Լոռու մարզպետարանը պատրաստակամ է ամենայն աջակցություն ցուցաբերել։ Ընտանիքների ընտրության հարցում կարևոր նախապայման է անասնապահության փորձ ունենալը, նաև կենդանիներին պահելու համար անհրաժեշտ պայմանների առկայությունը:
Լոռու մարզում հաստատված արցախցի ընտանիքները 398-ն են, նրանցից 110-ը այս ծրագրի շահառու են: Ստեփանավանում, Լոռի Բերդ խոշորացված համայնքում և Սպիտակում գործընթացը շարունակվում է , վերջիններիս կհաջորդեն նաև մարզի մյուս բնակավայրերը:
Լոռու մարզպետարան
