ՀՅԴ անդամ Բագրատ Եսայանի ֆեյսբուքյան գրառումը
Փաստորեն սրանց համույթը որոշել է արտահերթ չանել, իբր հիմնվելով ընդդիմության կողմից իրենց առաջարկը «մերժելու» վրա։ Նախ կուզեի քաղաքական մտքի «գիգանտներին» տեղեկացնել, որ արտահերթ ընտրություն սովորաբար անցկացնում են, երբ որևէ ոլորտում էական արձանագրվում է ձախողում, փոխվում է հասարակական մթնոլորտը, վերաբերմունքն իշխանության նկատմամբ։ Սրանց «իշխանությունը» երկրում ձախողել է ոչ թե ոլորտ, այլ ձախողել է երկիրը, հանձնել է հայրենիքը, իր դավաճանության հետևանքով զոհվել ու վիրավորվել են տասնյակ հազարավոր երիտասարդներ։
Ինչ վերաբերվում է «ընդդիմության և քաղաքական ուժերի կողմից հասարակական պահանջի ներկայացման «տեսքին» (սա Մանկուցի ձևակերպումն է), ինչո՞ւ հանկարծ սրանք մոռացան, որ ոչ միայն խորհրդարանական ու արտախորհրդարանական քաղաքական ուժերի, այլև երկրի նախագահի, երկու կաթողիկոսների, ՀՀ նախկին երեք Նախագահների, նախկին վարչապետների, Գիտությունների ակադեմիայի, Երևանի պետական համալսարանի, այլ ԲՈւՀ-երի հարյուրավոր դասախոսների, ավելի քան 200 համայնքների ղեկավարների ու ավագանիների, Հայաստանի Արհմիությունների կոնֆեդերացիայի, մոտ 700 փաստաբանների, բժիշկների, իրավաբանների և էլի շատ շատերի կողմից գրավոր ձևակերպվել և փոխանցվել է հանրային պահանջը՝ Նիկոլ Փաշինյանը պետք է հեռանա։
Ինչո՞ւ չեք կատարում այդ հստակ ձևակերպված պահանջը, բայց կարծում եք, թե ձեր 0-ական IQ-ով կարող եք նորից ֆռռցնել ժողովրդին ու «կերակրել» ձեր հերթական անհեթեթությամբ։
Կարդացեք նաև
