Նիդերլանդական առավոտյան թերթերը տարածում են լուր, որ Նիդերլանդների խորհրդարանի մեծամասնությունը կառավարության կաբինետին կոչ է անելու ճանաչել Հայոց ցեղասպանությունը: Նիդերլանդների կառավարությունը դա դեռ չի արել՝ թեև խորհրդարանը հասցրել է երկու անգամ դատապարտող բանաձևեր ընդունել: Կառավարությունն ամեն անգամ հարցը մերժում էր կապված Թուրքիայի հետ հարաբերությունները չխաթարելու հետ:
Քրիստոնեական Միություն (Christen Unie) կուսակցությունն այսօր միջնորդություն կներկայացնի ժամանակավոր կառավարությանը հենց ճանաչման կոչով: Այն լայնորեն աջակցվում է Ներկայացուցիչների պալատում: Ամենամեծ կառավարությունը ներկայացնող VVD կուսակցությունը քննարկումներին չի մասնակցելու, իսկ մյուս կուսակցությունը «Դենկ» անվամբ չի պաշտպանում միջնորդությունը, այս կուսակցությունն ավելի շուտ հետևեց Թուրքիայի քաղաքական գծին, որը չի ցանկանում խոսել ցեղասպանության մասին: Այն խորհրդարան մտած ամենափոքր խումբն է բաղկացած երկու էթնիկ թուրք և մեկ մարոկացի պատգամավորներից:
Հոլանդական կառավարության կաբինետը մինչ այժմ «հայկական ցեղասպանություն» բառակապակցության փոխարեն այն անվանում է «Հայոց ցեղասպանության խնդիր»:
2018-ին, կաբինետի անդամը (պետքարտուղար Սնել) առաջին անգամ մասնակցեց ցեղասպանության ամենամյա ոգեկոչմանը Հայաստանի մայրաքաղաք Երեւանում:
Կարդացեք նաև
Հոլանդահայ կազմակերպությունների ֆեդերացիան արդեն հասցրել է ողջունել պատգամավոր Ջոել Ֆորդեվինդի ներկայացրած բանաձևը, որը կոչ է անում Նիդերլանդների կառավարությանը ճանաչել Հայոց ցեղասպանությունը։
«ՆԻԴԵՐԼԱՆԴԱԿԱՆ ՕՐԱԳԻՐ»
