Ծանրամարտի Հայաստանի առաջնության օրերին մրցավայրում էր լինում Հայաստանի հակադոպինգային կազմակերպության պլանավորման եւ թեստավորման բաժնի պետ Անժելա Սահակյանը:
Մարզիկների դոպինգ ստուգումը կատարվում է ընտրովի եւ կազմակերպությանն է որոշում, թե ումից պետք է նմուշ վերցնել:
Aravot.am-ի հետ զրույցում տիկին Անժելան ասաց. «Ընթացակարգը, սովորաբար, այսպիսին է: Ամեն տարվա սկզբին մենք ցուցակ ենք կազմում, ըստ որի էլ մարզիկներին ստուգում ենք: Կարեւորը գաղտնիությունն է, այն, որ ոչ մի մարզաձեւում ոչ մի մարզիկ ոչ մի դեպքում չի իմանում, թե մեր ցուցակներում ում անուններն են նշված եւ ումից՝ երբ փորձանմուշ կվերցվի: Մեր կազմակերպությունը ոչ միայն մրցումների ժամանակ է դոպինգ ստուգում անցկացնում, այլեւ հաճախակի անակնկալ այցելություններ է կազմակերպում ուսումնամարզական հավաքների վայրեր: Դա բարձրացնում է մարզիչների եւ մարզիկների գիտակցված պատասխանատվության աստիճանը: Հիմա էլ ես այստեղ եմ, եւ միայն մրցման ավարտին մարզիկները կիմանան, թե իրենցից ով պետք է այսօր դոպինգ նմուշ հանձնի»:
Աշոտ ՀԱԿՈԲՅԱՆ
