Ինչպես արդեն տեղեկացրել ենք, ՀՀ ԱԺ-ի դիմաց ցույց անող 8 քաղաքացիներ բերման ենթարկվեցին: Նրանց թվում են այն քաղաքացիները, որոնք գոմաղբով լի ուսապարկեր նետեցին ՀՀ ԱԺ բակ, ՀՅԴ Հայաստանի երիտասարդական միության 4 անդամ, ինչպես նաև ՀՅԴ անդամ Գեղամ Մանուկյանը:
Այնուհետև բողոքի ցույցի մասնակիցները շարժվեցին դեպի Հանրապետության հրապարակ: Նրանք վանկարկում էին «Նիկո՛լ, դավաճան», «Առանց Նիկոլ Հայաստան»:
Հանրապետության հրապարակում՝ ՀՀ կառավարության շենքի մոտ մեծ թվով ոստիկանական ուժեր էին կենտրոնացել:
Կարդացեք նաև
Ցուցարարները Հանրապետության հրապարակում հայտարարեցին. «Մենք շատ հստակ ուզում ենք հայտարարել, որ Նիկոլ Փաշինյանի ու իր խունտային դեմ պայքարը դադարելու է միայն նրանց հեռացման պարագայում: Թող որևէ մեկը՝ Փաշինյանը, իշխանական ուսապարկերը, հույս չունենան, որ որևէ մի ժամ՝ անձրևի, արևի առիթով, շարժումը կդադարի»:
Քաղաքացիներն իրենց բողոքի ցույցը ավարտեցին Հանրապետության հրապարակում:
Տաթև ՀԱՐՈՒԹՅՈՒՆՅԱՆ
