ՀՀ պաշտպանության նախկին նախարար Դավիթ Տոնոյանը մինչ այս պահը չի մեկնաբանել իր նախկին խորհրդական Դավիթ Գալստյանի՝ նույն ինքը «Պատրոն Դավոյի» հետ կապված կոռուպցիոն սկանդալը:
Զրուցեցինք 2018-ի հունիսից ԳՇ պետի պաշտոնը զբաղեցրած Արտակ Դավթյանի հետ: Վերջինս ոչ միայն պնդեց, որ տեղյակ չի եղել՝ մատակարարված զենքի անորակ լինելուց, այլեւ ասաց՝ չի իմացել, որ Դավիթ Գալստյանը նախարար Դավիթ Տոնոյանի խորհրդականն է եղել:
– Քանի որ համընկնում են ձեր պաշտոնավարման եւ բանակին, ըստ ԱԱԾ-ի, նրա կողմից անորակ զենքի մատակարարման տարեթվերը՝ ինչ-որ տեղեկություններ ունե՞ք հանգամանքների վերաբերյալ: Տեղյակ եղե՞լ եք, որ մատակարարված զենքով հնարավոր չի եղել մարտական խնդիրներ լուծել:
– Ես էդպիսի տեղեկատվություն չունեմ: Զինամթերքն ընդունում է հանձնաժողովը, պայմանագրերը կնքում են պաշտպանության նախարարությունում: Եթե մասնագետները համարում են, որ դա կիրառելի է՝ ընդունում են, եթե համարում են կիրառելի չէ՝ չեն ընդունում:
Կարդացեք նաև
– Պարոն Դավթյան, հիմա դուք պաշտոնյա չեք: Էսպես հեռվից նայելով ճի՞շտ եք համարում, որ այնպիսի կարեւոր գործ, ինչպիսինն է բանակին զենքի մատակարարումը, մենաշնորհային լինի:
– Ո՞վ է ձեզ խանգարում, որ դուք դա կատարեք, դուք փորձել եք՝ ձեզ թույլ չե՞ն տվել: Ինչ-որ մեկը ձեզ խանգարո՞ւմ է, դուք փող աշխատեք, դուք գործը արեք:
– Ես՝ ոչ, բայց մյուսները միգուցե փորձել են, նախարարությունը չի՞ հաստատել էդ գործարքը:
– Ո՞նց եք պատկերացնում, եթե կա պահանջարկ եւ կա առաջարկ՝ ավելի հարմար գնով գնելու գնում են թա՞նկը: Էդպես ո՞նց կլինի, Գնումների մասին օրենք կա, հնարավոր չի:
– Բայց եթե գինն է կարեւորվում, որակը չի՞ տուժում:
– Դա այնպիսի ոլորտ է, որտեղ ամեն ինչը նշանակություն ունի՝ ե՛ւ որակը՝ առաջին հերթին, ե՛ւ գինը, ե՛ւ մնացածը: Անորակ ապրանքը այստեղ մարդու կյանքի հետ է կապված:
Սյուզաննա ՊՈՂՈՍՅԱՆ
Հոդվածն ամբողջությամբ՝ «Հայկական ժամանակ» օրաթերթի այսօրվա համարում
