Լեռնային Ղարաբաղի կարգավորման հարցը պետք է քննարկել նաև Թուրքիայի հետ՝ այդպիսին են տարածաշրջանի իրողությունները: Այս մասին հայտարարել է Ռուսաստանի Ազգային Անվտանգության փոխնախագահ Դմիտրի Մեդվեդևը:
«Թուրքիան մեր հարևանն է և շատ կարևոր գործընկեր: Եվ շատ մոտ երկիր՝ Ադրբեջանի համար: Այդ գործոնի հետ հնարավոր չէ հաշվի չնստել»,- ասել է Մեդվեդևն այսօր հրավիրված մամուլի ասուլիսում:
Նրա խոսքով՝ Մոսկվայի և Անկարայի միջև բեղմնավոր երկխոսություն է ձևավորված, երկու երկրների նախագահները շփվում են այդ թեմայով, որոշում է կայացվել ստեղծել հատուկ վերահսկող կենտրոն, որտեղ ներգրավված են ռուս և թուրք զինծառայողներ: «Եվ դա նույնպես ընդհանուր կայունացման տարր է… Պարզապես մենք պարտավոր ենք հաշվի առնել այն իրողությունները, որոնք կան մեր տարածաշրջանում: Իսկ իրողություններն այնպիսին են, որ այսօր այդ հարցն անհրաժեշտ է քննարկել նաև Թուրքիայի գործընկերների հետ»,- ասել է Մեդվեդևը:
Մեդվեդևը նաև նշել է, որ Արցախի կարգավիճակի հարցը որոշված չէ, և այն այժմ չի կարելի քննարկել, ավելի լավ է այդ հարցը հետաձգել:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
