London School of Economics-ը քննարկել է ԼՂ հակամարտության վերջին զարգացումները մարդասիրական ոլորտի տեսանկյունից վերլուծաբան Բրոյերսի և պատմաբան Լեյքոկի մասնակցությամբ։
Չնայած վերջին պատերազմը տևել է համեմատաբար ավելի կարճ, այն մեծ ավերածությունների ու մարդկային զոհերի պատճառ է դարձել, ասում է վերլուծաբան Լոուրենս Բրոյերսը London School of Economics կազմակերպած քննարկմանը ՝ ԼՂ հակամարտության մարդասիրական ոլորտի հետևանքների մասին: Պատերազմը ուղեկցվեց քաղաքացիական բնակչության հրթիռակոծումներով, տեղահանվածներով, արգելված կասետային զինատեսակների կիրառմամբ, պատերազմական հանցագործություններով ու գերիների սպանությամբ: Պատերազմի արդյունքում եղան նոր տեղահանվածներ ու փախստականներ:
«Պատերազմի ընթացքում կիրառվել են նաև արգելված ֆոսֆորային զինատեսակներ: Երկու կողմերը մեղադրել են միմյանց, սակայն, որքան ինձ հայտնի է, զենքի կիրառումից այրվածքներ ու այլ ապացույցներ ներկայացված են եղել հայկական կողմից»,- նշում է Բրոյերսը:
ՀՀ-ի ու Ադրբեջանի հարաբերություններն այսօր հասել են այն նվազագույն կետին, երբ չեն գործում մարդասիրական նորմերը՝ օրինակ՝ գերիների փոխանակումը, ընդգծում է Բրոյերսը՝ շեշտելով՝ այս հարցը դիտարկվում է ոչ թե մարդասիրական, այլ քաղաքական հաշվարկների հարթակում:
Կարդացեք նաև
«Այս նոր իրավիճակը լավագույն սցենարը չէ կողմերից յուրաքանչյուրի համար, բացառությամբ անկասկած Թուրքիայի: Խաղաղության հիմքերը չափազանց մշուշոտ են: Հակամարտության կողմերը՝ ՀՀ-ն ու Ադրբեջանը հայտնվել են հակամարտության պարադիգմի փակուղիում»,- ասում է նա:
Նյութն ամբողջությամբ՝ սկզբնաղբյուր կայքում
