2020թ. Հայաստանի մասով Մարդու իրավունքների եվրոպական դատարան է ներկայացվել 213 նոր բողոք, ինչը 2019թ. համեմատությամբ 40 տոկոսով ավելին է: Այս մասին ասվում է ՄԻԵԴ-ի 2020թ. տարեկան զեկույցում:
Ընդ որում, 2020թ. Մարդու իրավունքների եվրոպական դատարանը կայացրել է Հայաստանի դեմ 14 վճիռ, դրանցից բոլորում առնվազն մեկ խախտում է հայտնաբերվել: 2019թ. համեմատ այդ ցուցանիշը նվազել է (18):
Ընդհանուր առմամբ Եվրոպական դատարանը 2020թ. վճիռ է կայացրել Հայաստանի վերաբերյալ 15 դիմումի վերաբերյալ՝ 2019թ. 20-ի համեմատությամբ:
Զեկույցում նաև նշվում է, որ Հայաստանի դեպքում ամենաոտնահարված իրավունքը ազատության և անվտանգության իրավունքն է (11 վճիռ):
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
