«Ես իմ պարտքը չեմ համարում Ռոբերտ Քոչարյանի տեսակետները մեկնաբանելը։ Նա թիմակիցներ ունի եւ կարծում եմ՝ գիտի, որ ընտրությունները խորհրդարանական են եւ անհատական չէ, որ ինքը մասնակցում է»,-«Եռաբլուրում» լրագրողների հետ զրույցում այսօր ասաց «Հանրապետություն» կուսակցության նախագահ Արամ Զավենի Սարգսյանը՝ անդրադառնալով ՀՀ երկրորդ նախագահ Ռոբերտ Քոչարյանի հայտարարությանն այն մասին, որ ինքը մասնակցելու է արտահերթ խորհրդարանական ընտրություններին եւ կրելու է։
«Մենք մասնակցելու ենք «Հանրապետություն» կուսակցությունով, իսկ թե Ռոբերտ Քոչարյանն ումով կմասնակցի, դա իր որոշելիքն է, խնդիր չեմ տեսնում։ Մեր կուսակցության համար դա բացարձակ միեւնույնն է, որովհետեւ այն մարդիկ, որոնք իրենց քվեն կտան մեզ, որեւէ պարագայում, ձեռքներն էլ կտրես, Ռոբերտ Քոչարյանին չեն տա։ Իսկ ովքեր քվեն տալու են Ռոբերտ Քոչարյանին, ձեռքներն էլ կտրես՝ մեզ չեն տա»,-նշեց Արամ Սարգսյանը։
Նա հավելեց․ «Այնպես որ, այդ թեմայով թող մտածի «Հայրենիք» կուսակցության նախագահը, Վազգեն Մանուկյանը, Սերժ Սարգսյանը կամ Միքայել Մինասյանը։ Թող 17-ում մտածեն, թե ինչպես եւ ինչ են անելու»։
Կարդացեք նաև
Լուիզա ՍՈՒՔԻԱՍՅԱՆ
