«Թովմասյան» բարեգործական հիմնադրամի ղեկավար Արտակ Թովմասյանը համոզված է՝ քաղաքականություն մտնելն է առիթը, որ իր գործունեության մասին ստահոդ տեղեկություններ են շրջանառում:
Այսօր կազմակերպված ասուլիսում հարցին՝ Արտակ Թովմասյանի անունը շրջանառվում է զենք-զինամթերքի վաճառքի առնչությամբ, հիմնադրամի ղեկավարը պատասխանեց՝ ոչ մի անօրինական գործարքի հետ կապ չունի, զենքի առեւտրով չի զբաղվում. «2,5 տարի առաջ, մարտ ամսին Հայաստանում, պաշտպանության նախարարությունը Մերգելյանում անցկացրել է միջոցառում եւ ես իմ հնարավորություններով աջակցել եմ: Մի խոշոր կազմակերպության հրավիրել ենք Հայաստան մասնակցելու: Հրավերս ընդունել են, եկել են, եւ այդ ընթացքում առաջարկել ենք այդ նույն արտադրությունը դնել Հայաստանում, որը զրահապատ մեքենաների արտադրություն է: Ոչ միայն քաղաքացիական, այլ ռազմական, որը կբարձրացներ Հայաստանի պաշտպանության որակավորումը: Հայաստանն էլ կդառնար զրահապատ մեքենաների արտադրող: Հանդիպում ենք ունեցել վարչապետի, այդ ընկերության տնօրենի հետ, պաշտպանության նախարարի հետ»:
Սակայն, ըստ պարոն Թովմասյանի, այդ հարցը մինչեւ հիմա ընթացք չի ստացել, թե ինչո՞ւ, հորդորեց հարցն ուղղել կառավարությանը. «Հոկտեմբերի 9-ին վարչապետը զարմացած հարցրեց՝ ինչո՞ւ չի ստացվում դա, մենք էլ ասացինք, որ հունիս ամսից ամեն շաբաթ սպասում ենք, որ տնօրինությանը կհրավիրեն՝ առաջ տանելու համար, բայց այդպես էլ, մինչեւ այսօր չեն հրավիրել»:
Կարդացեք նաև
Լուսինե ԲՈՒԴԱՂՅԱՆ
