«Ես վստահ եմ, որ Իսրայելը կճանաչի հայոց ցեղասպանությունը։ Խոսվել է դրա մասին Իսրայելում, իրենց Կնեսետում, տարբեր կառավարական շրջանակներում։ Նրանք հասկանում են, որ արդեն ժամանակն է՝ Իսրայելն ընդունի մեր գենոցիդը»,-Հոլոքոստի զոհերի հիշատակի միջազգային օրվա առթիվ Հայաստանի hրեական համայնքի կազմակերպած հիշատակի միջոցառման ժամանակ Aravot.am-ի եւ Armenpress-ի հետ զրույցում այսօր նման համոզմունք հայտնեց Իսրայելում ՀՀ դեսպան Արմեն Սմբատյանը, որը պատերազմի ժամանակ հոկտեմբերին ՀՀ ԱԳՆ որոշմամբ հետ էր կանչվել:
«Նախորդ տարի մենք փորձել ենք այս մասին խոսել։ Շատ լավ հասկանում են, որ պետք է ընդունեն։ Հոլոքոստ, գենոցիդ՝ նույն բանն են։ Նրանք հասկանում են, որ մենք այդ աղետով անցել ենք։ Վստահ եմ, որ հարցը մոտ է, եւ կընդունեն»,-նշեց Արմեն Սմբատյանը։
Նրա խոսքով՝ հայոց ցեղասպանության ընդունումը ողջ մարդկության շահերից է բխում։
Լուիզա ՍՈՒՔԻԱՍՅԱՆ
