Ամուլսարի հանքի հարակից Ջերմուկ/Գնդեվազ, Զառիթափ/Սարավան, Գորայք համայնքներում արցախյան պատերազմի հետևանքով ապաստան են գտել մի քանի հարյուր արցախցիներ: Մեր համայնքապետարանները այս ամիսների ընթացքում փորձել են լուծել նրանց սոցիալական առաջնային խնդիրները: Այս հարցում համայնքապետարաններին միշտ աջակցել է նաև «Լիդիան Արմենիա»-ն:
Նախորդ երկու օրերի ընթացքում «Լիդիան Արմենիա»-ի ղեկավարությունը մեր համայնքներում էր և կրկին բերել էր արդեն ամենամսյա դարձած աջակցությունը` առաջին անհրաժեշտության սննդամթերքի ծանրոցներ:
Մեր տեղեկություններով՝ «Լիդիան Արմենիա»-ի աջակցությունը մեր համայնքներին այս ամիս այսքանով չի սահմանափակվել: Ջերմուկի, Զառիթափի, Գորայքի խոշորացված համայնքներից վիրավորում ստացած, ինչպես նաև զոհված և անհետ կորած զինծառայողների ընտանիքիները ևս հայտնվել են Լիդիան Արմենիայի ուշադրության կենտրոնում: Ըստ բնակիչների՝ ընկերությունը հոգացել է դեկտեմբեր ամսվա նրանց կոմունալ ծախսերը:
Վստահ ենք, որ եթե այսօր Ամուլսարի հանքը շահագործվելիս արդեն լիներ, Լիդիանի աջակցությունը համայնքներին շատ ավելին կլիներ:
Կարդացեք նաև
Ամուլսարի հանք նախաձեռնող խումբը վերահաստատում է իր աջակցությունը Լիդիան Արմենիային և Ամուլսարի հանքի շահագործմանը: Մեր համայնքներում, ինչպես նաև ընդհանրապես երկրում ստեղծված այս բարդ իրավիճակը հաղթահարելու գործում Ամուլսարի հանքը ունի իր մեծ դերակատարությունը:
«Ամուլսարի հանք» նախաձեռնող խումբ
