ՀՀ տարածքային կառավարման և ենթակառուցվածքների նախարար Սուրեն Պապիկյանն այսօր Շիրակի մարզպետարանի դահլիճում հայտարարեց , որ Գյումրիի տեսքի վերականգման աշխատանքները 2021 թվականին շարունակվելու են։
Ըստ նրա, 2020 թվականին Շիրակի մարզում 2,8 միլիարդ դրամի սուբվենցիոն ծրագրեր են իրականացվել։ Այս տարի, նախարարի տեղեկացմամբ, Գյումրիի ծրագրերը կշարունակվեն, նախատեսում են 21 փողոցների շինարարություն։
«Նախորդ տարի կային կիսատ մնացած աշխատանքներ, որ ընթացիկ տարում շարունակվել են։ Տեմպը՝ որպես այդպիսին, չենք կասեցնելու։ Տուրիզմի ծրագրով նախաձեռնություն կա քաղաքի ևս մի հատվածը՝ Սլաբոդկա կոչվող թաղամասը, նույնպես վերականգնել։ Հիմա փողոցներով չեմ կարող նշել՝ որոնք են, բայց մեծ ծավալի աշխատանք ակնկալվում է։
Ամեն ինչ անելու ենք, որ անենք, որևէ խոչընդոտ չեմ տեսնում՝ թե՛ ֆինանսական առումով, թե՛ տրամադրվածության»,- ասաց նախարարը։
Կարդացեք նաև
Նունե ԱՐԵՎՇԱՏՅԱՆ
Լուսանկարը՝ Humans of Gyumri էջից
