Պետությունը օրենքներով եւ իրավանորմատիվային դաշտով պարտավորություններ ունի ստանձնած երկրի պաշտպանության համար զոհված կամ հաշմանդամ դարձած իր քաղաքացիների համար, ինչն ամրագրված է նաեւ բարոյական արժեհամակարգով: Պատերազմի ավարտից հետո գործադիրը մի քանի օրենսդրական եւ գործադիրի որոշումների մակարդակով փոփոխություններ կատարեց, որոնցով սոցիալական աջակցության եւ արտոնություններ տալու մեխանիզմներ ներդրեց:
Դրանց գործնական կիրառման ընթացքում պարզվեց, որ, այնուամենայնիվ, նույնիսկ արտոնությունները կիրառելիս կան օրենսդրական բացեր, որոնց պատճառով հայրենիքի պաշտպանության մեջ անգնահատելի ավանդ ունեցողները եւ նրանց հարազատները ստիպված են վճարել պետական տուրքեր: Այս խնդիրը լուծելու համար Արդարադատության նախարարությունը մշակել եւ շրջանառության մեջ է դրել «Դատական ակտերի հարկադիր կատարման մասին» օրենքում լրացում կատարելու մասին օրենքի նախագիծը:
Արմեն ՎԱՐԴԱՆՅԱՆ
Նյութն ամբողջությամբ՝ «Հայաստանի Հանրապետություն» օրաթերթի այսօրվա համարում։
