Ազգային ժողովում այսօր տեղի ունեցավ ԲԴԽ անդամի պաշտոնում առաջադրված երկու թեկնածուների փակ, գաղտնի քվեարկությունը։ Հիշեցնենք, որ ազգային ժողովն այսօր արտահերթ նիստ գումարեց՝ օրակարգում ՀՀ բարձրագույն դատական խորհրդի անդամի պաշտոնում «Իմ քայլից» առաջադրված՝ ՀՀ նախկին գլխավոր դատախազ, ԱԺ նախկին պատգամավոր Գագիկ Ջհանգիրյանի եւ իրավաբան Դավիթ Խաչատուրյանի թեկնածության հարցով։ Ինչպես հայտարարեց ԱԺ հաշվիչ հանձնախմբի նախագահ Վահագն Հովակիմյանը, քվեարկության արդյունքները հետեւյալն են։
Գագիկ Ջհանգիրյանի թեկնածության քվեարկություն
«Կողմ»-86
«Դեմ»-3
Կարդացեք նաև
Դավիթ Խաչատուրյանի թեկնածության քվեարկություն
«Կողմ»-82
«Դեմ»-3
Այսպիսով, որպես իրավաբան-գիտնականներ, Գագիկ Ջհանգիրյանն ու Դավիթ Խաչատուրյանն ընտրվեցին բարձրագույն դատական խորհրդի անդամներ։ Քվեարկությանը մասնակցել է միայն իշխանական «Իմ քայլը» խմբակցությունը։
Լուիզա ՍՈՒՔԻԱՍՅԱՆ
