«Լուրերի որոշ թողարկումներում պնդումներ կան, թե Ճապոնիայի կառավարությունը մասնավոր կարգով եկել է եզրակացության, թե անհրաժեշտ է չեղարկել ամառային օլիմպիական խաղերը եւ պարալիմպիկ խաղերը: Դա բացարձակ չի համապատասխանում իրականությանը: Մենք օլիմպիական խաղերը կազմակերպելու համար կձեռնարկենք կորոնավիրուսի տարածումը կանխարգելելու ուղղությամբ անվտանգության անհրաժեշտ բոլոր միջոցները»,-հրապարակվել է կազմկոմիտեի պաշտոնական կայքում:
Իր հերթին Ճապոնիայի կառավարության գլխավոր քարտուղարի տեղակալ Մանաբու Սակաին The Mainichi-ին տեղեկացրել է, թե իրենց երկրի կառավարությունը նախապատրաստվում է հուլիսի 23-ին մեկնարկող ամառային 32-րդ օլիմպիական խաղերին եւ այդ ծրագիրը հաստատել է ՄՕԿ-ը:
Տոկիոյում ամառային 32-րդ օլիմպիական խաղերը պետք է կայանային 2020 թվականի հուլիսի 24-ից օգոստոսի 9-ը, սակայն կորոնավիրուսի համավարակի պատճառով տեղափոխվել է 2021 թվականի հուլիսի 23-ից օգոստոսի 8-ը:
Աշոտ ՀԱԿՈԲՅԱՆ
