«Մեր երկրում չի եղել արդարադատություն, եւ դատական համակարգերը ծառայել են ունեւորներին, քաղաքական տանիք ունեցողներին, բայց ոչ երբեք «քյասիբին», անգործին, չքավորին»,-ԱԺ արտահերթ նիստում այսօր հայտարարեց ԲԴԽ անդամի թեկնածու Գագիկ Ջհանգիրյանը։ «Նրանք միշտ մնացել են բախտի քմահաճույքին եւ իրավապահ համակարգի դագանակն ամենաուժեղ կերպով աշխատել է նրանց գործերով։ Սա եղել է ժողովրդի դժգոհությունը 2018թ․-ի նախօրյակին»,-նշեց Գագիկ Ջհանգիրյանը։
Նրա խոսքով՝ խտրական արդարադատության պատկերացումը պետք է վերանա, իրավապահ եւ դատական համակարգերի առաջնային խնդիրը պետք է լինի չքավորի եւ գործազուրկի պաշտպանությունը․ «Հիմա փաստաբանների կաստա կա, որը պաշտպանում է միայն լավ վճարունակ հաճախորդներին, մեկ-մեկ էլ որ հարցնում ես՝ մեղադրյալների ցուցակից որեւէ մեկին պաշտպանե՞լ ես։ Ոչ, եթե փողը տային՝ կպաշտպանեին։ Փաստաբանական ծառայությունը պետք է ուղղորդել ընչազուրկ զանգվածի պաշտպանությանը եւ դա բոլորի խնդիրն է»։
Հիշեցնենք, որ ազգային ժողովն այսօր արտահերթ նիստ է անում՝ օրակարգում ՀՀ բարձրագույն դատական խորհրդի անդամի պաշտոնում «Իմ քայլից» առաջադրված՝ ՀՀ նախկին գլխավոր դատախազ, ԱԺ նախկին պատգամավոր Գագիկ Ջհանգիրյանի եւ իրավաբան Դավիթ Խաչատուրյանի թեկնածության հարցով։
Կարդացեք նաև
Լուիզա ՍՈՒՔԻԱՍՅԱՆ
