Այս պահին ՀՀ ԱԺ Դեմիրճյան փողոցից մուտքի դիմաց քաղաքացիները իմքայլական պատգամավորների դեմ «ամոթի պատ» են կազմել:
Նշենք, որ այսօր ՀՀ ԱԺ արտահերթ նիստի ընթացքում տեղի է ունենալու ԲԴԽ անդամի պաշտոնում առաջադրված թեկնածու Գագիկ Ջհանգիրյանի եւ Դավիթ Խաչատուրյանի ընտրությունը: Հիշեցնենք՝ «Իմ քայլը» խմբակցությունը Բարձրագույն դատական խորհրդի անդամի թեկնածու է առաջադրել ՀՀ նախկին զինվորական դատախազ, ՀԱԿ խմբակցության նախկին պատգամավոր Գագիկ Ջհանգիրյանին եւ Դավիթ Խաչատուրյանին:
Քիչ առաջ ՀՀ ԱԺ ժամանեց Գագիկ Ջհանգիրյանը: Նա, սակայն, խուսափեց պատասխանել լրագրողների հարցերին և արագ մտավ ՀՀ խորհրդարանի շենք:
ԱԺ շենքի առաջ հնչում են «Նիկո՛լ, դավաճան» կոչեր: Ցուցարարները հայտարարեցին. «Մենք հավաքվել ենք այստեղ մեր բողոքի ձայն ենք բարձրացնում և կոչ անում քաղաքացիներին, որ ամեն օրը, որ Նիկոլ Փաշինյանը շարունակում է մնալ իր պաշտոնում, նոր անօրինականության է բերում և պետությանը վնաս հասցնում: Խախտելով ՀՀ Սահմանադրությունն ու օրենքը՝ ԲԴԽ խորհրդի անդամ են ուզում նշանակել մարդու, որը լիարժեք կամակատար է ՀՀ վարչապետի և կառավարության: Մեզ համար հստակ է, որ սա ունի մեկ նպատակ՝ զավթել դատական իշխանությունը, որն անցնող շրջանում ցույց է տվել, որ կարողանում է դեռ պահպանել իր անկախությունը և չի ենթարկվում Նիկոլ Փաշինյանի սադրանքներին: Եվ այսօր մեկ խնդիր են կատարում՝ զավթել դատական համակարգը և շարունակել իրենց անօրինական գործողությունները»:
Կարդացեք նաև
Տաթև ՀԱՐՈՒԹՅՈՒՆՅԱՆ
