«Վարչապետը հարցին պատասխանել է հռետորական հարցով՝ ասելով, որ թե պատերազմի օրերին տարբեր քննարկումների ժամանակ, թե դրան նախորդած բանակցային գործընթացում չի եղել ժամանակ, որպեսզի չքննարկվի փախստականների վերադարձը»,-լրագրողների հետ ճեպազրույցում այսօր անդրադառնալով վարչապետ Նիկոլ Փաշինյանի՝ երեկ ԱԺ-կառավարություն հարցուպատասխանի ժամանակ Շուշիի վերաբերյալ հնչեցրած ձեւակերպմանը՝ ասաց «Իմ քայլի» պատգամավոր Սուրեն Գրիգորյանը։
Հիշեցնենք, որ ԲՀԿ պատգամավոր Նաիրա Զոհրաբյանի հարցին ի պատասխան Նիկոլ Փաշինյանն ասել էր․ «Ընդհանրապես բանակցային ողջ գործընթացում, ոչ միայն հիմա, չի եղել քննարկման այնպիսի մի տարբերակ, որ ադրբեջանցի փախստականները Շուշի չվերադառնան, իսկ Շուշին հակամարտությունից եւ ազատագրումից առաջ ունեցել է 90 եւ ավելի տոկոս ադրբեջանական բնակչություն»։
Սուրեն Գրիգորյանը սա հետեւյալ կերպ պարզաբանեց․ «Վարչապետը շեշտել է, որ մինչեւ Շուշիի ազատագրումը Շուշիում բնակչության 90 տոկոսը եղել են ադրբեջանցիներ։ Ըստ այդմ, հնչեցրել է հռետորական հարց՝ ձեզ համար 90 տոկոսով ադրբեջանցիներով բնակեցված Շուշին հայկակա՞ն է․․․Հիմա եթե սրանից որեւէ մեկը բխեցնում է, թե վարչապետը պնդել է, որ Շուշին հայկական չէ, ուրեմն այդ մարդը կամ հայոց լեզուն հասկանալու խնդիր ունի, կամ տրամաբանելու խնդիր»։
Կարդացեք նաև
Լուիզա ՍՈՒՔԻԱՍՅԱՆ
