Ստեփանակերտում ականազերծման ժամանակ հայտնաբերվել է M-85 տեսակի կասետային զինամթերք, որն արգելված է միջազգային իրավունքով: Այս մասին «Ռոսսիյսկայա գազետա»-ին տված հարցազրույցում ասել է Ռուսաստանի ԶՈւ գեներալ-լեյտենանտ Յուրի Ստավիցկին:
«Հանդիպում են տարբեր տեսակի ականապատ դաշտեր: Ստեփանակերտում հայտնաբերվել են հատկապես շատ չպայթած M-85 «Կոլոկոլչիկ» կասետային զինատեսակներ»,- ասել է նա:
Ստավիցկին նաև նշել է, որ ռուս սակրավորները Լեռնային Ղարաբաղի տարբեր շրջաններում էլ հայտնաբերում են լքված զինամթերք և չպայթած ականներ: Նրա խոսքով՝ ականների պատճառով բարդությունների են հանդիպել նաև վնասված գազի ճանապարհների ուսումնասիրությունների ժամանակ: Գազատարների ականազերծման աշխատանքներին, ըստ նրա, խանգարում են նաև եղանակային պայմանները:
Պատրաստեց՝ Վիկտորյա ԱՆԴՐԵԱՍՅԱՆԸ
Կասետային ռումբերի օգտագործման արգելքից հետո այն պետք է ոչնչացվեր այն կառավարությունների միջոցներով,որոնց զինանոցում առկա էին դրանք:Նրանք էլ ավելի էժան տարբերակ են գտել՝նվիրել հակամարտության մեջ գտնվող երկրներին և նրանց միջոցով վերացնել՝մեր այսօրվա ,,քաղաքակիրթ,,աշխարհում այդպիսի օրինակներ շատ կան:Աստված չանի միջուկային զենքի արգելքի հետ էլ այդպես վարվեն….