Ռուսաստանի Պետդումայում քննարկվել է Արցախի բնակչությանը կորոնավիրուսի պատվաստումների իրականացման գործում օգնելու հարցը, հաղորդում է Regnum-ը:
Պետդումայի պատգամավոր Կոնստանտին Զատուլինը, մասնավորապես, առաջարկել է առողջապահության կոմիտեին և ԱՊՀ հարցերով կոմիտեին «հետաքրքրվել ՌԴ կառավարությունից՝ ինչ ժամկետներում և ինչ ծավալներով մենք կարող ենք օգնել Դոնեցկի, Լուգանսկի Հանրապետություններին, Մերձդնեստրի Մոլդովական Հանրապետությանը, ինչպես նաև մեր խաղաղապահ զորախմբի պատասխանատվության գոտում գտնվող Լեռնային Ղարաբաղի բնակչությանը պատվաստումներ անցկացնել»:
Պետդումայի խոսնակ Վյաչեսլավ Վոլոդինը հավանություն է տվել Դոնեցկի և Լուգանսկի բնակիչներին կորոնավիրուսի պատվաստումների հարցում աջակցելու առաջարկին:
«Մենք պետք է օգնենք մեր հայրենակիցներին, հատկապես նրանց, ովքեր գտնվում են Դոնեցկի և Ժողովրդական Հանրապետությունում և Լուգանսկի Ժողովրդական Հանրապետությունում. նրանց մեզնից բացի ոչ մեկ չի կարող օգնել. Ուկրաինայի իշխանություններն անում են ամեն բան՝ նրանց կյանքը բարդացնելու համար, պատերազմ են մղում սեփական ժողովրդի դեմ»,- ասել է Վոլոդինը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
