Արցախի Հանրապետության նախագահ Արայիկ Հարությունյանի խորհրդական Նելլի Բաղդասարյանի ֆեյսբուքյան գրառումը
ՌԴ արտաքին գործերի նախարար Ս. Լավրովի հունվարի 18-ին հնչեցրած մի շարք կարևոր հարցերից առանձնացրել եմ գերիների վերադարձին և կարգավիճակին վերաբերող հարցերի քաղաքական տողատակերը.
Գերիների վերադարձ. Մասնավորապես, որոշակիություն մտցվեց այն հարցում, որ գերիների վերադարձի հարցերը շարունակում են մնալ ՌԴ ուշադրության կենտրոնում և դրան հիմնարար լուծում տալու հնարավորություններ ՌԴ-ն ունի: Այս հարցում, ակնկալվում է, որ ռուսական ճնշման արդյունքում Ադրբեջանը պետք է հետ կանգնի նոյեմբերի 9-ից հետո ահաբեկչի կարգավիճակ տրված գերիների հարցում ունեցած իր անզիջում դիրքորոշումից:
Կարգավիճակ. Արցախի Հանրապետությունը դե ֆակտո միջանկյալ կարգավիճակում է, որի անվտանգությունը երաշխավորվում է ռուսական խաղաղապահության ինստիտուտի կողմից,
Կարդացեք նաև
Սա նաև չի ենթադրում.
1/լիարժեք անկախ կարգավիճակ, պայմանավորված Արցախի Հանրապետության չճանաչվածությամբ և դրանից բխող խնդիրներով,
2/ տեսանելի ապագայում չի ենթադրում կամարտահայտության դրսևորում:
Այսպիսով, պետք է արձանագրել, որ դա «հետաձգված կարգավիճակի» ձևաչափն է, որը նախատեսվում է քննարկել ԵԱՀԿ Մինսկի խմբի համանախագահության ֆորմատում /ժամկետներ չեն նշվում/: Տողատակում՝ սա նաև թուրքական հավակնությունները և թուրքական հետագա ազդեցությունը զսպելու միջոց է: Ստացվում է այնպես, որ ԵԱՀԿ Մինսկի խմբի համանախագահությունը կարգավորման հարցում լրացուցիչ զսպման ռեսուրս է նաև ՌԴ համար:
Փաստացի ունենք հետևյալ պատկերը.
ԵԱՀԿ Մինսկի խմբի երկու համանախագահներն արդեն իսկ ընդունել են ՌԴ դիվանագիտական պոտենցիալը պատերազմի զսպման, իսկ հետպատերազմյան փուլում՝ տարածաշրջանային ազդեցության հնարավորությունների հարցում: Ի գիտություն է ընդունվել, որ ՌԴ-ն այս դեպքում ամենապրակտիկ դերակատարն է:
Միևնույն պահին ՌԴ-ն հատկանշում է, որ կարգավիճակի հարցում հենվելու է ԵԱՀԿ Մինսկի խմբի համանախագահության մանդատի վրա: Սա նշանակում է, որ չնայած համանախագահության պասիվ ռեժիմին, այնուամենայնիվ համանախագահող պետություններն անհրաժեշտության դեպքում հնարավորություն ունեն անցնելու առավել ակտիվ ռեժիմի:
Տարածաշրջանային զարգացումներն ու աշխարհաքաղաքական իրողությունների հետ կապված կանխատեսումները, թույլ են տալիս մտածելու, որ, թերևս, առաջին հայացքից կազմալուծման գնացող ԵԱՀԿ Մինսկի խմբի համանախագահությունը ակտիվանալու է:
