«Ձեթի, կարագի, այլուրի, բենզինի շուկայում փոփոխություններ կան, եւ մոտ մեկ շաբաթից կհրապարակենք՝ գների ավելացումն օբյեկտի՞վ է, թե՞ ոչ»,-խորհրդարանում լրագրողների հետ զրույցում այսօր ասաց տնտեսական մրցակցության պաշտպանության պետական հանձնաժողովի նախագահ Գեղամ Գեւորգյանը՝ անդրադառնալով մի շարք շուկաներում գրանցված գնաճին։
«Նախնական տվյալներով՝ համաշխարհային շուկաներում գների բարձրացում ունենք, իսկ թե դրանք պատշաճ են արտացոլվել, թե ոչ՝ կուսումնասիրենք։ Արեւածաղկի եւ եգիպտացորենի շուկաները թանկացել են, կորոնավիրուսի պատճառով Ռուսաստանում պահեստավորման խնդիրներ են եղել»,-տեղեկացրեց Գեղամ Գեւորգյանը։
Նա հայտնեց՝ ուսումնասիրում են, այդ թվում այն հանգամանքը, թե արդյոք գնաճը վերաբերո՞ւմ է արդեն իսկ ներմուծված ապրանքին։
Ինչ վերաբերում է այն փաստին, որ մասնավորապես ձեթը մի քանի հարյուր դրամով է թանկացել, Գեղամ Գեւորգյանը նախընտրեց այս պահին եզրակացություններ չանել եւ վարույթի վրա չազդել, քանի դեռ ուսումնասիրությունն ընթանում է։
Կարդացեք նաև
Լուիզա ՍՈՒՔԻԱՍՅԱՆ
