«Օրակարգը նույնն է՝ Նիկոլ Փաշինյանը ժամ առաջ պետք է հեռանա, որովհետեւ վտանգ է ՀՀ ազգային անվտանգության համար։ Որքան շուտ դա հասկանա, այնքան շատ հնարավորություն կունենանք մեր ողնաշարն ուղղելու։ Նա չի կարող լինել ադեկվատ բանակցող»,- խորհրդարանում լրագրողների հետ ճեպազրույցում այսօր ասաց «Բարգավաճ Հայաստան» խմբակցության պատգամավոր Նաիրա Զոհրաբյանը՝ անդրադառնալով «Հայրենիքի փրկության շարժման օրակարգին»։
Լրագրողները հետաքրքրվեցին՝ Փաշինյանի հրաժարականի հարցն օրակարգում ունենալով՝ ԲՀԿ առաջնորդ Գագիկ Ծառուկյանն ինչո՞ւ է հանդիպում Նիկոլ Փաշինյանի հետ։ «Գագիկ Ծառուկյանի հանդիպումը Նիկոլ Փաշինյանի հետ տեւել է 3-4 րոպե։ Գագիկ Ծառուկյանը հստակ է նշել, թե ինչ է ասել Փաշինյանին, այստեղ քննարկելու բան չկա»,-արձագանքեց Նաիրա Զոհրաբյանը։
Իսկ թե արդյոք Ծառուկյանը Փաշինյանի հետ այլ հանդիպումներ ունեցե՞լ է, Նաիրա Զոհրաբյանն ասաց, որ Ծառուկյանի փոխարեն չի կարող պատասխանել․ «Նա այն քաղաքական գործիչն է, որը ժողովրդի թիկունքում եւ ձեր թիկունքում հանդիպում անելու շարժառիթ չունի։ Նրա բոլոր հանդիպումները եղել են հրապարակային»։
Կարդացեք նաև
Լուիզա ՍՈՒՔԻԱՍՅԱՆ
