Այսօր Վանաձորում «Հայրենիքի փրկության շարժման» այցի ժամանակ ՀՀԿ-ական Էդուարդ Շարմազանովը լրագրողների հետ ճեպազրույցում ասաց, որ մարզեր իրենց այցի նպատակն այն է, որպեսզի ժողովրդի հետ զրուցեն, բացատրեն, որ օր առաջ պետք է ազատվել գործող իշխանությունից. «Նպատակը մեկն է՝ հանդիպել մեր ժողովրդի հետ, ներկայացնել իրավիճակը եւ հասնել ընդհանուր հայտարարի, որ օր առաջ ազատվենք այս հողատու իշխանությունից, այս հողատու արարածից, որի պատճառով ու մեղքով երեկ Ալիեւն ու իր կինն ադրբեջանական թեյախմություն էին կազմակերպել մեր հոգեւոր եւ մշակութային մայրաքաղաք Շուշիում»:
Նախկին իշխանության ներկայացուցիչն ասում է, թե սա իշխանության համար պայքար չէ. «Ես ինքս իշխանության չեմ ձգտում, իմ կուսակցությունը՝ չի ձգտում, բայց մենք կորցրել ենք մեր արժանապատվությունը»,- ասում է Շարմազանովն ու շարունակում. «Ես ինքս հաճախ հարց եմ տալիս, թե ինչո՞ւ այս հողատուն հրաժարական չի տալիս, եւ ընդամենը մի պատասխան եմ գտնում, որ նրան թույլ չեն տալիս հրաժարական տալ երկու հոգի՝ իրա կառուցողական ընկեր Ալիեւը եւ Էրդողանը: Այլ տարբերակ չեմ գտնում: Այսօրվա իշխանությունը՝ Նիկոլի գլխավորությամբ սպասարկում է բացառապես Թուրքիայի եւ Ադրբեջանի շահերը, եւ դրա պարզ օրինակը հունվարի 11-ի խայտառակությունն էր Մոսկվայում»:
Մանրամասները՝ տեսանյութում
Կարդացեք նաև
Տաթեւիկ ՂԱԶԱՐՅԱՆ
