Խոսեցինք քաղաքապետարանի ենթակայության տակ գտնվող մի քանի դպրոցների տնօրենների հետ՝ տեղեկանալու իրենց դպրոցներում առկա խնդիրներին:
Երևանի N201 հիմնական դպրոցի տնօրեն Մարիամ Շոլինյանը նշեց, որ իրենց դպրոցում կորոնավիրուսով վարակվածներ չկան, ունեն հատուկենտ բացակայողներ: Ինչ վերաբերում է հեռավար կրթության ժամանակ եղած բացթողումներին, տնօրենը անկեղծ պատասխանեց, որ հեռավարը որակյալ կրթություն չի ապահովում, լիարժեք արդյունք չի տալիս: Մինչեւ ծնողը երեխայի կողքին չի նստում, երեխան չի ցանկանում կամ չի կարողանում մասնակցել դասերին, նրանք չեն կարողանում կենտրոնանալ: Տնօրենը համոզված է, որ առկա ուսուցումը, որին վերադարձել են, հնարավորություն կտա լուծել բոլոր բացթողումները՝ կապված նաեւ ծրագրի կատարողականի հետ:
Երևանի N80 հիմնական դպրոցի տնօրեն Ծովինար Մելքումյանն էլ ասաց, որ իրենք եւս բացակայությունների մեծ թիվ չունեն, ունեն կորոնավիրուսով վարակված մեկ աշակերտ, ով վարակվել էր արձակուրդից առաջ եւ հիմա դասի չի հաճախում. «Հեռավար ուսուցումը վատ ազդեցություն է ունեցել. դա երեւում է նաեւ աշակերտների գրավորների արդյունքներից. գնահատականները ցածր են, բացթողումները լրացնելու խնդիրներ կան. հեռավարի ժամանակ անցած դասերը նորից բացատրելու կամ կրկնելու անհրաժեշտություն է առաջանում»,-նշեց նա:
Մարիամ ԳԵՎՈՐԳՅԱՆ
Կարդացեք նաև
Հոդվածն ամբողջությամբ՝ «Հայկական ժամանակ» օրաթերթի այսօրվա համարում:
