«ԵԱՀԿ Մինսկի խումբը ակտիվ է որպես սուրհանդակ, ոչ թե որպես միջնորդ»,- «Caucasus Edition»-ի՝ «Լեռնային Ղարաբաղի հակամարտության խաղաղ կարգավորման ձախողումները և հեռանկարները թեմայով» թեմայով կազմակերպված վեբինարի ընթացքում ասաց վերլուծաբան Զաուր Շիրիևը։
Նրա կարծիքով՝ ԵԱՀԿ Մինսկի խումբը պարզապես Բաքվի հաղորդագրությունները հաղորդում է Երևանին, իսկ Երևանինը՝ Բաքվին․ «Նրանք չեն բերել որևէ նոր գաղափարներ բանակցությունների գործընթացին։ ԵԱՀԿ Մինսկի խմբից սպասելիքները այլ էին, բայց նրանք այլ կերպ գործեցին»։
Զաուր Շիրիևը նշեց, որ ընկալում կա, որ ԵԱՀԿ Մինսկի խումբը արբիտր է և ոչ թե միջնորդ․ «Չեք կարող մի դեպք գտնել, երբ հակամարտությունների միջնորդը ինչ-որ մի բան է որոշում հակամարտող կողմերի փոխարեն»։
Նա ընդգծեց, որ նախկինում Ադրբեջանը պատրաստ էր Լեռնային Ղարաբաղին կարգավիճակ տալ, սակայն այժմ իրադրությունը փոխվել է։ Ըստ նրա, այժմ Ադրբեջանը պատրաստվում է տալ նվազագույնը և բանակցությունները սկսել հենց այդ նվազագույնի հիման վրա։
Կարդացեք նաև
Ամի ՉԻՉԱԿՅԱՆ
