«Ժառանգություն» կուսակցության նախագահ Նարինե Դիլբարյանի ֆեյսբուքյան գրառումը
Ավարտվեց Պուտինի ձևակերպմամբ «ծայրաստիճան կարեւոր եւ օգտակար» եռակողմ հանդիպումը, անշուշտ երկու կողմերի համար այն եղավ այդպիսին, բայց հայկական օրակարգը մնաց լուսանցքում, Ալիևը կույր ու գուլ իր դիրքորոշմանը, թե հարևան երկրների, իմա՝ Թուրքիայի հետ ճանապարհներ է կառուցելու. տրանսպորտային միջանցքներ է բացելու, ԼՂ հակամարտությունը մնացել է անցյալում:
Փոխվարչապետերի մակարդակով հանձնաժողովներ, ենթահանձնաժողովներ, պաշտոնյաներ, փորձագետներ, գործընթաց, որ «..մինչև 2021 թ. մարտի 1-ը Կողմերի կողմից ամենաբարձր մակարդակով հաստատման կներկայացնի Ադրբեջանի Հանրապետության և Հայաստանի Հանրապետության տարածքով իրականացվող միջազգային փոխադրումների կազմակերպման, իրականացման և անվտանգության ապահովման համար անհրաժեշտ նոր տրանսպորտային ենթակառուցվածքների օբյեկտների վերականգնման և կառուցման միջոցառումների իրականացման ցանկ և ժամանակացույց»:
Եռակողմ նոր հայտարարության մեջ հիշատակում անգամ չկա նախորդ հայտարարության 8-րդ կետի մասին՝ մեր ռազմագերիների ու պատանդների վերադարձի միջոցառումների ցանկի ու ժամանակացույցի վերաբերյալ: Փաշինյանն էլ խոստովանեց՝ ռազմագերիների հարցը լուծված չէ, Արցախի կարգավիճակը կարգավորված չէ, ԵԱՀԿ Մինսկի խմբի շրջանակներում պետք է շարունակել, բայց դարձյալ ոչ մի որոշակի ժամկետ, բանակցային ընթացք չսահմանվեց:
Կարդացեք նաև
Իսկ նախատեսված աշխատանքային խմբերն ի պաշտոնե զբաղվելու են միայն երկաթուղային և ճանապարհային հաղորդակցության հարցերով, փաստացի Ադրբեջանը շարունակում է անշեղորեն առաջ տանել իր գիծը, բացարձակ անհաղորդ իր ստորագրած այն պայմանավորվածություններին, որոնք հայկական շահերի ծիրում են:
Մեր շերեփը դարձյալ թղթե էր, ձայն բարբառոյ յանապատի….
