1991թ.-ին ծնված զինծառայողը զորակոչվել է սեպտեմբերի 29-ին, վերջին անգամ ծնողներին զանգել է հոկտեմբերի երկուսին՝ Ջրականից: «Դրանից հետո ոչ մի տեղեկություն չունենք: Դիմել ենք բոլոր տեղերը, մինչեւ հիմա՝ ապարդյուն: Իմ սիրտն ասում է, որ նա ողջ է. զգում եմ, որ տղաս ողջ է»,-ՀՀ քննչական կոմիտեի զինվորական քննչական գլխավոր վարչությունում այսօր Aravot.am-ի հետ զրույցում ասաց անհետ կորած զինծառայողի մայր Գեղանի Համբարձումյանը:
«Տղայիս հետ էին իր երկու համադասարանցիները, երեքով չկան: Կառավարությանը խնդրում եմ օգնել գտնել տղայիս: Դիմել ենք ԱԳՆ, ՊՆ, երկու անգամ ամուսինս հանդիպել է վարչապետի հետ: Ասել են, որ քայլեր են ձեռնարկում»,-պատմեց նա:
Հիշեցնենք, որ ՀՀ քննչական կոմիտեի զինվորական քննչական գլխավոր վարչություն էին այսօր եկել մի քանի տասնյակ անհետ կորած, զոհված կամ ենթադրյալ գերեվարված զինվորների ծնողները՝ իրենց որդիների որոնման խնդիրը բարձրաձայնելու:
Մանրամասն՝ տեսանյութում
Լուիզա ՍՈՒՔԻԱՍՅԱՆ
