ԱԺ պատգամավոր, «Լուսավոր Հայաստան» խմբակցության անդամ Տարոն Սիմոնյանի ՖԲ գրառումը.
Ինչ ՉՊԻՏԻ անի ՀՀ գործադիր իշխանության ներկայացուցիչը վաղը Մոսկվայում։
✅ Չհրաժարվի Ադրբեջանի և նրա ռազմաքաղաքական ղեկավարության հայատյացության քաղաքականության դեմ, ինչպես նաև միջազգային հանցագործությունների և այլ իրավախախտումների առնչությամբ արդեն իսկ սկսված և ապագայում սկսվելիք իրավական գործընթացներից։
✅ Չխախտի ՀՀ Սահմանադրությունը, միջազգային իրավունքը և չստորագրի որևէ փաստաթուղթ, որ կառնչվի Արցախին և ՀՀ տարածքին, զինված ուժերին և այլն։
Կարդացեք նաև
Բացառություն կարող է կազմել միայն Ադրբեջանում անազատության մեջ պահվող բոլոր հայերի (ռազմագերներ, քաղաքացիական անձինք) վերադարձի առնչվող հարցը։
✅ Չկատարի որևէ արարք (գործողություն կամ անգործություն), որը կզրկի ապագա իշխանություններին և սերունդներին կատարված սխալները շտկելու հնարավորությունից։
Հ.Գ. Անհաշվելի ռազմաքաղաքական, դիվանագիտական, իրավական սխալներից հետո ընդամենը պետք է ՉՎՆԱՍԵԼ և ՉԶՐԿԵԼ մի ամբողջ ազգի արժանապատիվ ապագա ստեղծելու հնարավորությունից։
