Քաղաքագետ Աղասի Ենոքյանի ֆեյսբուքյան գրառումը
Կարծում եմ, այլեւս ոչ ոք կասկած չունի, որ մեր պարտության պատճառներից մեկը Արծրունի «հաղթելու ենքն» էր, որը ստեղծեց ինֆորմացիոն քաոս։
Այժմ իշխանությունները ընտրել են ինֆորմացիոն քաոս ստեղծելու մեկ այլ ճանապարհ. Հայաստանի շուրջ բուռն զարգացումների վերաբերյալ տրվում է զրո ինֆորմացիա։ Ոչ պաշտոնական լրատվամիջոցները, ոչ պաշտոնյաները, ոչ պատգամավորները չեն տեղեկացնում, թե ինչ փաստաթղթեր է պատրաստվում ստորագրել Նիկոլ Փաշինյանը Մոսկվայում։ Փոխարենը ակտիվորեն շրջանառվում են փաստաթղթերի վերաբերյալ տարբեր լուրեր ու շշուկներ, տրվում են տարբեր մեկնաբանություններ։
Տեղեկատվության բացակայությունից, իրարամերժ լուրերից ու այս քաոսից հասարակությունը նույնքան ապակողմնորոշված ու կաթվածահար է, որքան հիպնոսացած ու կաթվածահար էր Արծրունի ստերից։
Կարդացեք նաև
Երկու ինֆորմացիոն ռազմավարություններն էլ՝ համատարած սուտը եւ համատարած լռությունը, իշխանությունների կողմից միտումնավոր են կիրառվում՝ հասարակությանը շփոթահարելու եւ առաջացած քաոսի պայմաններում իրենց դավաճանությունը հաջողությամբ ավարտելու համար։
