Երկրորդ օրն է՝ Վազգեն Սարգսյանի անվան ռազմական համալսարանի առջեւ Արցախում ծառայություն անցկացնող ժամկետային զինծառայողների հարազատները բողոքի ցույց են անում:
Նրանք պահանջում են, որ իրենց զավակները մնան եւ ծառայությունը շարունակեն Հայաստանում, քանի որ Արցախում անվտանգության երաշխիքներ չկան:
«Երկրորդ օրն է՝ այստեղ ենք, սակայն ոչինչ չենք հասկանում: Վերջը մի օր պե՞տք է լինի, որ հայ ժողովուրդը հասկանա, որ ինքը երեխա է տվել բանակին ու բանակն էլ իրենց դրական պատասխան տա: Հարցերով դիմել ենք ՊՆ ու հարցերի դրական պատասխան չենք տեսել: Ուզեցինք բժշկական հանձնաժողով՝ հարցը տվեցինք ու մնաց անպատասխան: Խնդիրն այն է, որ մեր երեխաները 44 օր կռիվ են տեսել ու այսօր գալիս են սեւ համազգեստ հագածները՝ ռազմական ոստիկանությունը, ու ազդում երեխաների վրա: Ի՞նչ է նշանակում՝ ձեզ կդատեն, ձեզ կտանեն ԱԱԾ նկուղներ:
Մինչեւ այս երեխաներին դատելը ու ԱԱԾ նկուղ տանելը, թող այն մարդկանց տանեն ԱԱԾ նկուղ, որոնք ԱԹՍ-ների փողերը կերան ու երեխաներին թողեցին մեկ ավտոմատ, չորս պահունակ ու երկու նռնակ, ինչը ոչ մի հարց չի լուծում»,-ասում է ծնողներից մեկը:
Կարդացեք նաև
Աշոտ ՀԱԿՈԲՅԱՆ
