Հունահռոմեական ըմբշամարտի Հայաստանի ազգային հավաքականի գլխավոր մարզիչ Էդուարդ Սահակյանը, ընդհանուր առմամբ, բավարարված էր դեկտեմբերին «Դինամո» մարզադահլիճում անցկացված Հայաստանի առաջնությունում ցույց տրված գոտեմարտերի որակից:
«Մենք աշխարհի գավաթի անհատական խաղարկության մրցանակակիրներին եւ Սերբիայում հինգ գոտեմարտ անցկացրած ըմբիշներին, ազատել էինք հանրապետության առաջնությունից: Բայց եղան գոտեմարտեր, որոնք անցան հետաքրքիր պայքարում»,-Aravot.am-ին ասաց պարոն Սահակյանը:
Հավաքականի թեկնածուների շարքը համալրած ըմբիշները մոտ երկու շաբաթ հանգստանալուց հետո՝ հունվարի առաջին տասնօրյակին, կհրավիրվեն ուսումնամարզական հավաքների: Գլխավոր մարզիչը հույս ունի, որ մրցաշրջան 2021-ում չեն լինի սահմանափակումներ ու չեղարկումներ, վարկանիշային եւ մյուս միջազգային մրցաշարերն էլ ժամանակին կանցկացվեն, որոնց հավաքականը կկարողանա պատշաճ նախապատրաստվել:
Էդուարդ Սահակյանի խոսքով՝ Աշխարհի գավաթի անհատական խաղարկությունը ցույց տվեց, որ Հայաստանի հունահռոմեականները ի վիճակի են օլիմպիական խաղերի չորս վարկանիշ ունենալ:
Կարդացեք նաև
Աշոտ ՀԱԿՈԲՅԱՆ
