ՀՀ ԱԺ-ն զրկեց ՀՀ ԱԺ ԲՀԿ խմբակցության պատգամավոր Նաիրա Զոհրաբյանին Մարդու իրավունքների պաշտպանության եւ հանրային հարցերի մշտական հանձնաժողովի նախագահի լիազորություններից:
Հիշեցնենք՝ ՀՀ ԱԺ-ում անցկացվում էր ՀՀ ԱԺ «Իմ քայլը» խմբակցության կողմից շրջանառության մեջ դրված ՀՀ ԱԺ ԲՀԿ խմբակցության պատգամավոր Նաիրա Զոհրաբյանի՝ որպես Մարդու իրավունքների պաշտպանության եւ հանրային հարցերի մշտական հանձնաժողովի նախագահի լիազորությունների դադարեցման հարցի վերաբերյալ նախագծի քվեարկությունը:
ՀՀ ԱԺ Հաշվիչ հանձնախմբի նախագահ, «Իմ քայլը» խմբակցության պատգամավոր Վահագն Հովակիմյանը ներկայացրեց քվեարկության արդյունքները. «132 պատգամավորից փակ-գաղտնի քվեարկությանը մասնակցել է 84-ը: 2 քվեաթերթիկ անվավեր է ճանաչվել: Ձայները բաշխվել են հետևյալ կերպ. Նաիրա Զոհրաբյանի լիազորությունների դադարեցմանը կողմ է 78 պատգամավոր, դեմ՝ 4 պատգամավոր»:
ՀՀ ԱԺ նախագահ Արարատ Միրզոյանը տեղեկացրեց՝ որոշումն ընդունվեց:
Կարդացեք նաև
Հիշեցնենք՝ պատգամավոր Արթուր Հովհաննիսյանը տեղեկացրեց՝ երկու շաբաթվա ժամկետում ԲՀԿ-ն կարող է առաջադրել հանձնաժողովի նոր նախագահի թեկնածու: Եթե չի առաջադրում, քվոտան անցնում է իշխող մեծամասնությանը:
Տաթև ՀԱՐՈՒԹՅՈՒՆՅԱՆ
