«Տպավորություն է՝ այն անձինք, որոնք պահանջում են Նիկոլ Փաշինյանի հրաժարականը և որևէ կերպ չեն անդրադառնում արտահերթ ընտրությունների հնարավորությանը, իրենց կողմից պարզապես փորձ է կատարվում շրջանցել քաղաքացու՝ ընտրության հնարավորությունը և իշխանության ձևավորման հնարավորությունը»,- ՀՀ ԱԺ-ում լրագրողների հետ ճեպազրույցում այսպիսի կարծիք հայտնեց ՀՀ ԱԺ «Իմ քայլը» խմբակցության ղեկավար Լիլիթ Մակունցը:
Նա նշեց՝ իրենց քաղաքական թիմը վերահաստատում է այն դիրքորոշումը, որ որևէ մեկն իրենցից կառչած չէ պաշտոններից, աթոռներից, բայց անչափ կարևոր է, որ ՀՀ քաղաքացին հնարավորություն ունենա ձևավորել նոր իշխանություն:
Փաստմանը՝ դասախոսներ, հոգևորականներ, մտավորականներ և հասարակության շատ այլ խմբեր պահանջոմ են Նիկոլ Փաշինյանի հրաժարականը, նրանք, 17 ուժերը և նրանց սատարող քաղաքացիները հասարակությո՞ւն չեն. մի՞թե ճիշտ է բաժանում մտցնելը հասարակության անդամների միջև, Լիլիթ Մակունցն արձագանքեց. «Ցանկացած կարծիք ունեցող մարդ, բնականաբար, ձևավորում է իշխանություն իր քվեի միջոցով. որևէ մեկն այստեղ տարանջատում չի մտցնելու: Որպեսզի կարողանանք չափելի դարձնել, թե ինչ դիրքորոշում ունեն քաղաքացիները համալիր կերպով, դրա համար գոյություն ունեն ընտրություններ, որի տարբերակը որևէ մեկը չի մերժում»:
Լրագրողները հետաքրքրվեցին՝ ի՞նչ տեղեկություն ունի Նիկոլ Փաշինյան-Գագիկ Ծառուկյան հանդիպումից և մյուս խմբակցությունների ղեկավարների հետ հանդիպում սպասվո՞ւմ է, Լիլիթ Մակունցը պատասխանեց. «Որպես «Իմ քայլը» խմբակցության ղեկավար՝ ստացել եմ նախնական տեղեկություններ, որ հնարավոր է լինի նման հանդիպում: Իմ տեղեկություններով՝ հնարավոր է Նիկոլ Փաշինյանը հանդիպի բոլոր երեք խմբակցությունների ղեկավարների հետ: Առայժմ հստակ ժամի վերաբերյալ տեղեկություն չունեմ»:
Կարդացեք նաև
Լրագրողներն ահազանգեցին՝ զանգում են պատգամավորներին և պարտադրում՝ Նաիրա Զոհրաբյանի լիազորությունների դադարեցման հարցով քվեարկության քվեաթերթիկները նկարել, ուղարկել՝ ստիպելով կողմ քվեարկել, Լիլիթ Մակունցն այսպես արձագանքեց. «Որպես «Իմ քայլը» խմբակցության ղեկավար՝ հայտնում եմ՝ նման որևէ զանգ որևէ պատգամավոր չի ստացել»:
Տաթև ՀԱՐՈՒԹՅՈՒՆՅԱՆ
