Ոչ մի կերպ չեմ հասկանում, թե ինչո՞ւ են հայրենիքի նորօրյա «հայրենասերները» հախուռն հրճվում, որ թուրքերը ջարդել են ՎԱԶԳԵՆ ՍԱՐԳՍՅԱՆԻ հուշարձանը Շուշիում: Ինչո՞ւ են հայերը թուրքանում, ինչո՞ւ են թուրքի հետ հրճվում ու թուրքի պես պահում իրենց: Որովհետև իրենց սրտո՞վ է: Որովհետև իրենք էլ վառվա՞ծ են, որ Վազգենն այսօր շատ ավելի ուժեղ ու շատ ավելի կարևոր է, քան իրե՞նք՝ իրենց հավաքական գոյությամբ: Դե դա թու՞րքը պիտի ասեր:
Մեծ նորությու՞ն է, որ Վազգենի կյանքի ՄԵԿ օրվա մեջ իրենց ամբողջ կենսագրությունը տեղավորվում է ու դեռ լիքը տեղ է մնում: Որովհետև Վազգենը ոչ մեկին չի դավաճանել, ոչինչ չի ուրացել ու անգամ իրենց համարել է ՀԱՅ, որ գուցե նրա ճակատագրական սխալն էր:
Վազգենի ստվերից անգամ վախեցողները այսօր շողիքն ի բերան ճամարտակում են նրա ու նրա արձանի մասին, հոգու խորքում վստահ, որ իրենք անգամ արձան չեն ունենալու… Սա պատմություն է ՍՏՐՈՒԿ հայի դեգրադացիայի ու ոչնչության մասին, որ ՈՉԻՆՉ լինելով երազում է ԻՆՉ դառնալ: Վազգենը լսեր, ոնց էր հռհռալու…
Անահիտ ԱԴԱՄՅԱՆ
Հ.Գ. Ու բոլոր նրանք, որ հիմա իբր ցավ են ապրում, թող իրենց ամբողջ ցավը ուղղեն Շուշիից Սարյանի ու Մինասի կտավները տուն վերադարձնելուն, թե՞ դա արդեն ազգային արժեք չէ ու սեփական կշիռը չի ավելացնելու պատվիրատուի կշեռքին:
Կարդացեք նաև
Հոդվածն ամբողջությամբ՝ «Իրատես»-ում
