«Ես չեմ կասկածում, որ կողմ են քվեարկելու, ո՞նց կարող են չանեն տիրոջ ասածը: Զրկելու են Նաիրա Զոհրաբյանին այդ պաշտոնից: Բայց մի պահ պատկերացնենք, որ տիկին Զոհրաբյանին հեռացրեցին, ո՞վ է լինելու իր փոխարեն: Հավատացեք, այդ կարգավիճակը տիկին Զոհրաբյանին ավելի շատ գլխացավանք է բերել, քան ինչ-որ օգուտ, եկամուտ: Այն, ինչ նա արել է եվրոպական ատյաններում, այս քայլածներից ո՞ր մեկն է արել, հլը մի հատ մատներդ դրեք վրեն ու ասեք՝ այսինչյան այսինչ: Գնում են այնտեղ՝ խայտառակ են անում, բուֆետներից դուրս չեն գալիս»,- երեկ ԱԺ-ում հրավիրած ասուլիսում ասաց ԲՀԿ պատգամավոր Գեւորգ Պետրոսյանը:
Ինչպես տեղեկացրել ենք, «Իմ քայլը» խմբակցությունը ԱԺ որոշման նախագիծ է դրել շրջանառության մեջ, որով ուզում է ԲՀԿ պատգամավոր Նաիրա Զոհրաբյանի լիազորությունները դադարեցնել՝ որպես Մարդու իրավունքների պաշտպանության եւ հանրային հարցերի մշտական հանձնաժողովի նախագահի:
Ասուլիսում Գեւորգ Պետրոսյանն ասաց, որ Նաիրա Զոհրաբյանը քրեակատարողական հիմնարկներում է աշխատել, բա իմքայլականները դուխ կանե՞ն գնան ՔԿՀ, թեկուզ «դուխով» գլխարկով: Նա ասաց, որ գերիների, դիակների ԴՆԹ-ի հարցով իրենք են զբաղվում, երկրում շատ հարցեր են կուտակվել. «Ես չեմ հասկանում, մենք վարչապե՞տ ունենք, թե՞ բրոկեր, օրը մի տարածք հանձնում է»:
Կարդացեք նաև
Հռիփսիմե ՋԵԲԵՋՅԱՆ
