«Մեր եկեղեցին պետության երեւի թե ամենակարեւորագույն հիմնասյուններից է, որ մնացել է: Մենք, ցավոք սրտի, ունենք լրջագույն խնդիրներ պետական իսնտիտուտների հետ, եւ անձամբ ինձ համար զարմանալի չէր, որ ինչ-որ շրջանակներ, սկսեցին արշավ եկեղեցու դեմ` դա ներկայացնելով կոնկրետ անձանց` Գարեգին Վեհափառի դեմ: Իրականում այդ արշավը ոչ թե Գարեգին Վեհափառի դեմ է, այլ եկեղեցու դեմ է, Հայ առաքելական եկեղեցու յուրաքանչյուր հետեւորդի դեմ է»,- այսօր Սբ. Գայանե Եկեղեցու բակում լրագրողների հետ զրույցում ասաց Արցախի նախկին օմբուդսմեն Ռուբեն Մելիքյանը:
Իրավապաշտպանն այսօր Էջմիածնում մասնակցում էր «Ամուր կանգնենք եկեղեցու կողքին» ցույցին:
Ռուբեն Մելիքյանն ասաց նաեւ, որ ինքն ունի պատկերացումներ, թե որ շրջանակներն են այդ ամենի կազմակերպիչը: Գիտի նաեւ, որ այդ շրջանակները բավականին լավ քողարկված են:
Ի դեպ, եկեղեցու դեմ կոչեր անող քաղաքացիները այդպես էլ չհավաքվեցին: Մի քանի մարդ էր եկել միայն, որոնց ոստիկանությունը կարգի հրավիրեց:
Կարդացեք նաև
Իրավապաշտպանը ողջունում է հայոց երկու կաթողիկոսների`Գարեգին Բ-ի եւ Արամ Ա-ի կեցվածքը: Նրանք, հիշեցնենք, հայտարարություններով հանդես եկան` պահանջելով Նիկոլ Փաշինյանի հրաժարականը: Աննախադեպ երեւույթ համարելով կաթողիկոսների կեցվածքը, իրավապաշտպանը նաեւ ողջունում է նման կեցվածքը. «Մեր եկեղեցին պետք է շատ ավելի մեծ, կարեւոր դերակատարում ստանձնի մեր պետությունում: Եկեղեցին նաեւ կարեւոր դեր պետք է ունենա սոցիալական պետության հարցերում, եւ ես ողջունում եմ այս կեցվածքը, որը դրսեւորվեց եկեղեցու կողմից»:
Նելլի ԳՐԻԳՈՐՅԱՆ
