ՀՀ ԱԺ նախկին պատգամավոր Սամվել Ֆարմանյանը ֆեյսբուքյան իր էջում գրում է.
«Շնորհակալություն» Նիկոլ Փաշինյանին՝ հային հայ դարձնելու համար:
1903 թ. ամռանը Կովկասի կառավարչապետ Գոլիցինի նախաձեռնությամբ ընդունվեց Եկեղեցական գույքի բռնագրավման մասին օրենքը:
Դրան հաջորդեցին հայերի զանգվածային բողոքի գործողություններ Կովկասի հայաշատ տարբեր բնակավայրերում: Նույն 1903 թ. աշնանը հայերը մահափորձ կազմակերպեցին Գոլիցինի դեմ: Հետո արդեն, այդ ճնշման արդյունքում Նիկոլայ II-ը ստորագրեց եկեղեցական գույքը վերադարձնելու մասին հրամանագիր, որով թույլատրվում էր նաև վերաբացել հայկական ազգային դպրոցները։ Գոլիցինը հայերի հիշողության մեջ մնաց որպես թշնամու ատելի կերպար:
Այս դեպքերի ժամանակակիցների շրջանում տարածվեց մի այսպիսի թևավոր միտք. «Շնորհակալություն Գոլիցինին՝ հայերին հայ դարձնելու համար»: Ի նկատի էր առնվում այն, որ Հայ առաքելական եկեղեցին ու հայկական դպրոցները փաստացի փակելու Գոլիցինի այդ տխրահռչակ նախաձեռնությունը դարձավ այն առանցքային խմորիչը, ինչը գրգռեց հայերի ազգային ինքնագիտակցությունը, արթնացրեց նրա ոգին և դուրս
բերեց փողոցներ՝ պաշտպանելու իր ազգային կառույցները:
Կարդացեք նաև
Տեսնելով, թե այսօր ինչ է կատարվում Սբ Էջմիածնի եկեղեցիներում, Հայ առաքելական եկեղեցու հասցեին նիկոլական/գոլիցինյան շրջանակների կողմից ավելի վաղ հնչեցված սպառնալիքներից հետո, կարելի է առանց այլևայլության կրկնել նույնը. «Շնորհակալություն» Նիկոլ Փաշինյանին՝ հային հայ դարձնելու համար»:
