ՀՀ ԱԺ պաշտոնական կայքից տեղեկանում ենք, որ ՀՀ ԱԺ «Իմ քայլը» խմբակցությունը ՀՀ ԱԺ ԲՀԿ խմբակցության պատգամավոր Նաիրա Զոհրաբյանի՝ որպես Մարդու իրավունքների պաշտպանության եւ հանրային հարցերի մշտական հանձնաժողովի նախագահի լիազորությունների դադարեցման հարցի վերաբերյալ նախագիծ է դրել շրջանառության մեջ:
Նախագծի հեղինակը ՀՀ ԱԺ «Իմ քայլը» խմբակցության պատգամավոր Արթուր Հովհաննիսյանն է:
Որպես հիմնավորում բերված են Նաիրա Զոհրաբյանի ֆեյսբուքյան գրառումները: Օրինակ՝ այն, որ դեկտեմբերի 17-ին Նաիրա Զոհրաբյանը կատարել է գրառում, որը մեջբերված է հիմնավորման մեջ. «Ես ատում եմ քեզ ժեխ, որ իշխանության բերեցիր քո նմանին, ով դանդաղ փակում է մեր պետականության էջը»:
Նաիրա Զոհրաբյանի դեկտեմբերի 22-ի գրառումը ևս մեջբերված է հիմնավորման մեջ: Մասնավորապես ներկայացված է հետևյալ հատվածը. «Մեր երկրի թիվ մեկ խնդիրը տգիտությունն է: Նիկոլի ու նիկոլիզմի ավարտից հետո մենք, եթե կուզեք, այո, բռնի ուժով պիտի կրթենք նաև հասարակության էդ հատվածին, որ այլևս որևէ ընտրության ժամանակ չգնա ու իր հայելային արտացոլանքին չբերի իշխանության: Ես ժեխին հայրենիք չեմ տալու»:
Կարդացեք նաև
Տաթև ՀԱՐՈՒԹՅՈՒՆՅԱՆ
