ՀՀ ՊՆ ռազմական ինստիտուտի նախկին պետ, Մոնթե Մելքոնյանի անվան ռազմական վարժարանի հիմնադիր, գնդապետ Ալեքսան Մինասյանն այսօր «Հայելի» ակումբում ասուլիսի ընթացքում իրեն ուղղված հարցին, թե կարո՞ղ է տալ մարդկանց անուններ, որոնք մեղավոր են այս պատերազմում պարտվելու համար, ի պատասխան եւս մեկ անգամ իր տեսակետն արտահայտեց, որ մեղավոր ենք բոլորս 1994 թվականից հետո, ապա ասաց. «Առաջին մեղավորը վարչապետն է: Նա չպետք է հավատար՝ ինչ են իրեն զեկուցում: Ինքը գլխավոր հրամանատարն է եւ պարտավոր էր իմանալ, թե ինչ է կատարվում:
Ի՞նչ է նշանակում պարտվող բանակին գեներալի կոչումներ շնորհելը: Դա խայտառակություն է: Մեղավոր են նրանք, ովքեր իրեն ներկայացրել են: Դա կլինի պաշտպանության նախարար, հայկական բանակի գեներալիտետ: Փաստորեն, խաբել են: Կգա ժամանակը՝ թող դատվեն նրանք, ովքեր մեզ հասցրին այս վիճակին»:
Աշոտ ՀԱԿՈԲՅԱՆ
