Երևանի ավագանիի նիստի ընթացքում ավագանիի անդամ Գրիգորի Երիցյանը հետաքրքրվեց, թե 2021 թվականին ի՞նչ լրացուցիչ ծրագրեր է քաղաքապետարանը իրականացնելու արցախցիների համար։
Փոխքաղաքապետ Հրաչյա Սարգսյանը ասաց, որ Արցախից ժամանակավոր ժամանած քաղաքացիների համար առանձին ծրագիր հաստատված չէ․ «Բայց բյուջեով առանձին գումար ենք հաստատել։ Ծրագիրը պետք է առանձին մշակվի, քանի որ այս պահի դրությամբ կառավարությունը աջակցություն է ցուցաբերում այն քաղաքացիներին, որոնք որ ժամանել են Հայաստանի Հանրապետություն։ Վերջնական հասկանալուց հետո, թե ովքեր են այդ շահառուները, որոնք որ պետական աջակցությունից չեն օգտվում, այդ մասով արդեն համայնքը աջակցություն կցուցաբերի քաղաքացիներին»։
Ամի ՉԻՉԱԿՅԱՆ
