«Դա կատարյալ տգիտություն է: Նախ, դա լկտի սուտ է: Եթե անգամ դա ճիշտ է, Նիկոլին ի՞նչն էր խանգարում այդ օրենքը փոխել: Մի օրում սահմանադրական բարեփոխումներ էր անում, Հրայր Թովմասյան փոխում, իսկ այս օրենքը պահո՞ւմ էր»,-վարչապետ Նիկոլ Փաշինյանի հրաժարականի պահանջով ընդդիմության հավաքի ժամանակ այսօր լրագրողների հետ զրույցում ասաց ՀՀԿ խոսնակ, ԱԺ նախկին փոխնախագահ Էդուարդ Շարմազանովը՝ անդրադառնալով Նիկոլ Փաշինյանի հայտարարությանը, թե Սյունիքի հատվածում Հայաստանի եւ Ադրբեջանի սահմանները հիմա ճշգրտվում են նախկինների օրոք՝ 2010թ. ընդունված օրենքով, որում Սյունիքի սահմանից այն կողմ ոչ թե Արցախի հանրապետության տարածքներն են, այլ Ադրբեջանի:
Շարմազանովը շեշտեց. «Որեւէ պետության միջպետական սահմանները վարչատարածքային բաժանման մասին օրենքով չեն որոշվում, այլ միջազգային պայմանագրերով: Դա իր կողմից հերթական «դիշովի մուտիլովկան» է: Բացի այդ, այդ ո՞ր պայմանագրով է գրված, որ ինքը պետք է յոթ շրջանները, Շուշին տա: Բոլորս մոռանում ենք, որ այս ամենի մեղավորն ինքն է…»:
Լուիզա ՍՈՒՔԻԱՍՅԱՆ
Լուսանկարը՝ Էդուարդ Շարմազանովի ֆեյսբուքյան էջից
