«Նիկոլ Փաշինյանը մինչեւ 2021-ը չի մնա: Այսօր առավոտ ձերբակալել են Գորիսի քաղաքապետին: Տեսնում եք, ժողովուրդը չի թողնում: Ժողովուրդը շուտով նրան չի թողնելու տուն մտնի, նա մնալու է անտուն»,- այսօր «Հայելի» ակումբում հրավիրած ասուլիսում հայտարարեց «Ազատություն» կուսակցության նախագահ, ՀՀ նախկին վարչապետ Հրանտ Բագրատյանը՝ օրինակ բերելով Պագանինիին. «Հիշո՞ւմ եք ոնց Պագանինին մեռավ, նրան եկեղեցին թույլ չէր տալիս թաղեին: Ես վախենամ` նա էլ այդպես հանգրվան չգտնի»:
Ըստ Բագրատյանի, Նիկոլ Փաշինյանը հրաժարական չի տալիս, որովհետեւ վախենում է, որ կենդանի չի մնա. «Ես կրծքով կպաշտպանեմ նրան, որ գա դատարանում դատվի: Իսկ այդ դատը կտեւի տարիներ: Հայ ժողովուրդը պիտի տեսնի սա: Սա դաս պիտի լինի»: Բագրատյանը ենթադրում է, որ շուտով մարդիկ չեն թողնի, որ Փաշինյանը մտնի կառավարության շենք՝ աշխատելու, հետո չեն թողնի, որ մտնի կառավարական ամառանոց՝ քնելու. «Չեն թողնի, որ իր ոտքը կպնի հայոց հողին, հասկանո՞ւմ եք, ստիպված է լինելու ինչ-որ մի ծառի վրա բարձրանա մնա: Այն, ինչ նա արել է, խայտառակություն է: Նա կոտրել է հայ ժողովրդի մեջքը»:
Բագրատյանի խոսքով՝ Սյունիքի դեպքերը ցույց տվեցին, որ Նիկոլ Փաշինյանը չի կարողանալու Երեւանից դուրս մի տեղ գնալ, իսկ եթե դուրս եկավ, Երեւան չի կարող գալ, արդեն Երեւանը կփակեն. «Նիկոլ Փաշինյանի շուրջ օղակը սեղմվում է»:
Հրանտ Բագրատյանը վստահ է, որ հնարավոր է հետ բերել Շուշին ու Հադրութը: Իսկ թե ինչու պատերազմ եղավ, նա ունի իր բացատրությունը. «Չէր կարելի մի հատ տգետ գեղցու, բարձրագույն կրթություն չունեցող, բերել Երեւան ու դարձնել կուռք, նստել, լսել, թե տեսեք ինչեր է ասում: Նա ի՞նչ պիտի ասեր: Սրա համար պատժվում են; Սա ինքնաապտակ էր հայ ժողովրդին: Ով որ ասում է՝ սա խիար է, աղը մի առեք, մի վազեք, խելքներդ գլուխներդ հավաքեք, էժան մի՛ եղեք, ժողովո՛ւրդ»:
Կարդացեք նաև
Հռիփսիմե ՋԵԲԵՋՅԱՆ
