Լեհաստանում ավարտվել են «Մայրիկը դիմանկարից» փաստավավերագրական ֆիլմի նկարահանումները։
Լեհ ռեժիսոր Բարբարա Բիելեցկան իր կարիերայի ընթացքում շատ ֆիլմեր է նկարել, սակայն այս մեկն առանձնահատուկ է։
Ռեժիսոր Բիելեցկան արմատներով հայ է, նա հանրահայտ օպերային երգչուհի Եվա Մոհդեսյանի ծոռնուհին է։ Փաստավավերագրական ֆիլմը Եվա Մոհդեսյանի կյանքի պատմությունն է, նրա անցած ուղին, կյանքում կրած բազում դժվարությունները։
Բարբարա Բիելեցկա
«Մեծ հայուհու մասին ֆիլմ նկարելու հնարավորությունն արվեստագետիս համար մարտահրավեր է։ Անդրադարձն անցյալին ինձ համար արմատներս գտնելու, ճանաչելու, հպարտանալու առիթ է»,-նշել է ռեժիսոր Բիելեցկան։
Հոկտեմբերյան հեղափոխության սկզբում մեծ դժվարություններ էր սպասվում Եվա և Անտոնի ամուսնական զույգին։ Հրաշքով փրկվելով բոլշևիկների կողմից գնդակահարությունից՝ նրանք փախչում են Լեհաստան։ Չնայած մեծ դժվարություններին՝ Եվա Մոհդեսյանը 1930-ականներին Սասնովիեց քաղաքում հիմնում է արվեստի,երաժշտության տունը։ Դպրոցը շատ կարճ ժամանակահատվածում արդեն մեծ համբավ ուներ։
Երաժշտության, արվեստի դպրոցը պատրաստում էր օպերային երգիչների, որոնք պատերազմից հետո մեծ ճանաչում ձեռք բերեցին։
«Սա ֆիլմ է հզոր և ուժեղ հայ կնոջ մասին, ով մեծ ներդրում ունի լեհական մշակութային կյանքում»,-ասում է ռեժիսորը։
Ֆիլմի պրեմիերան նախատեսվում է տարեվերջին։
Անահիտ ՄՆԱՑԱԿԱՆՅԱՆ
