Գորիսի համայնքապետ Առուշ Առուշանյանը ֆեյսբուքյան իր էջում գրել է.
«Նիկո՛լ, Ադրբեջանի դրոշը ծածանվում է Մ2-ի Որոտանի հատվածում, թշնամին հասել է գյուղ։ Մեկ ժամից հասնում են Շուռնուխ։
Սա էն հատվածն է, որ մենք Քարահունջի, Որոտանի ջոկատների, բանակի հետ միասին 26 կմ առաջ ենք եղել ու արյան գնով պահել ենք, որ թշնամին չմտնի մեր ընտանիքները։ Էսօր դու քո ձեռքով թշնամուն նվիրեցիր արյունով պահված պատմական հողը, մեր բնակավայրերը տարար թուրքի բերան։
Որոտանից մի քանի մետր հեռավորության վրա պիտի կանգնի ադրբեջանցին, որոտանցին ի՞նչ սրտով պետք է շարունակի ապրի ու արարի։ Սրա մասին էիր ասո՞ւմ, որ սահմաններն անվտանգ են, վաղը էս «ապահով» ճանապարհով ես ուզո՞ւմ հասնել Կապան ու ձեռքով ողջունել ճանապարհի երկայնքով կանգնած թշնամուն։
Կարդացեք նաև
Ի՞նչ երեսով ես գալիս Սյունիք․ Որոտանի, Շուռնուխի, Խնձորեսկի բնակիչներին այսքանից հետո դեռ պիտի համոզես, որ իրենց անվտանգությունը մազից չէ՞ կախված։ Քո պաշտոնավարման յուրաքանչյուր րոպեն մեր երկրի համար լուրջ սպառնալիք է, մենք ամեն րոպե կիլոմետրով հող ենք կորցնում ու մեր ժողովրդին տանում կործանման։ Հանկարծ չմտածեք, որ ֆեյքաբուծարանը ուղղելով Սյունիք՝ կոտրելու եք սյունեցու ոգին։
Սյունիքը չի հանդուրժելու ո՛չ ներքին դավաճանին, ո՛չ էլ արտաքին թշնամուն։ Սյունիքը միասնական է միշտ ու ոչ ոք չկասկածի, որ այս հողից մաքրվելու են մարզի դարպասները բացած դավաճաններն ու թուրքերը»։
Պապս պատմում էր՝1919թ.թուրքերը բաքվի կոմունան վերացնելուց հետո արշավում են Զանգեզուրի վրա:Գորիսի,Տեղ և Կոռնիձոր գյուղերի ուղղությամբ հարձակումներ են իրականացնում,տեղի են ունենում կենաց-մահու ճակատամարտեր,որոնց շնորհիվ թուրքական զորքերը հետ են շպրտվում և այլևս փորձ անգամ չեն անում հարձակվել Զանգեզուրի վրա:Պապս ասում էր,որ այդ օրվանից եթե որևէ թուրք երիտասարդ իր շրջապատում մեծախոսում էր նրանց թուրք ընկերները նախատում էին,ասելով ,,ղոչաղ,,ես Զանգեզուր գնա….