«Նիկո՛լ, վարչապետ», «Նիկո՛լ, դավաճան», «Նիկո՛լ, դու թուրք ես», «Չհամարձակվես մոտենալ երեխայիս գերեզմանին», ծափեր, սուլոցներ, ուռաներ, հրմշտոց, խառնաշփոթ․ Նիկոլ Փաշինյանի գլխավորած սգո երթը Եռաբլուրում է:
Նաեւ սաստող դիտողություններ են հնչում`«հանգստացեք, գիտե՞ք որտեղ եք»: Նիկոլ Փաշինյանն ու իշխանության ներկայացուցիչներն էլ սկզբում սաստում էին, թե նման բացականչություններ պետք չեն, սգո երթ է:
Սակայն ընթացքում ձեռքերի շարժումներից եւ ժեստերից տպավորություն էր, թե խրախուսում են հանրահավաքային վանկարկումները:
Կարդացեք նաև
Հիշեցնենք, որ ազատամարտիկների տարբեր միություններ, զոհվածների հարազատները Եռաբլուրում էին: Նրանք հայտարարել են, որ հավաքվել են, որպեսզի թույլ չտան Նիկոլ Փաշինյանի եւ իշխանության ներկայացուցիչների մուտքը Եռաբլուր:
Նելլի ԳՐԻԳՈՐՅԱՆ
